Wenn du mit deinem Bruder redest

Sei ein Vorbild des Glaubens und der Liebe

im brüderlichen Gespräch.

+ 

(freie Übersetzung)

Warum als Mönch ich dichte?

Pourquoi, moine, ecrire des vers? 

«Warum als Mönche ich dichte?

Das weiß ich selber nichte.

Ein unbescheiblich Drängen,

Ein Flüstern von Gesängen

Mir vom Gemüte fallen

Und tief im Herzen hallen.

 ...

Warum als Mönche ich dichte?
Das weiß ich selber nichte,

Ein Säuseln läßt mich reden;

Es macht mich zum Poeten

Und läßt mich so bezeugen

Die Liebe und das Schweigen.»

* * * * * * *

«Pourquoi, moine, ecrire des vers?

Moi-meme je ne le sais point.

Une force en moi qui l'exige,

Un murmure fait de chansons

Me viennent du fond de mon ame

Et, violents, sonnent dans mon coeur.

...

Pourquoi, moine, ecrire des vers?

moi-meme je ne le sais point.

Un bruissement me fait parier

et de moi il fait un poete;

il m'ordonne de temoigner

et de l'amour et du silence.»

(Analecta Cartusiana 2015)

DOMINICA TERTIA ADVENTUS

INTROITUS.          

Phil 4,4-6

- Audéte in Dómino semper: íterum dico, Gaudéte:

modéstia vestra nota sit ómnibus homínibus.

Dóminus prope est: nihil sollíciti sitis:

sed in omni oratióne petitiónes vestræ innotéscant apud Deum.

Ps 84,2: Benedixísti, Dómine, terram tuam:

avertísti captivitátem Iacob.

Glória Patri, et Fílio. Gaudéte in Dómino.

Kýrie, eléison.

Non dicitur Glória in excélsis.

COLLECTA.           

Orémus.

Excita, Dómine, corda nostra ad præparándas Unigéniti tui vías /

ut per eius advéntum purificátis tibi méntibus servíre mereámur :

Qui tecum.

LECTIO.      

Phil 4,4-7

Dominus prope est.

Léctio Epístolæ beáti Pauli apóstoli ad Philippénses.

Fratres: Gaudéte in Dómino semper; íterum dico: gaudéte! Modéstia vestra nota sit ómnibus homínihus. Dóminus prope. Nihil sollíciti sitis, sed in ómnibus oratióne et obsecratióne cum gratiárum actióne petitiónes vestræ innotéscant apud Deum.

Et pax Dei quæ exsúperat omnem sensum custódiet corda vestra et intellegéntias vestras in Christo Iesu.

RESPONSORIUM.           

Cf. Ps 79,2-3

Qui sedes, Dómine, super Chérubim, éxcita poténtiam tuam, et veni.

Qui regis Israel, inténde: qui dedúcis velut ovem Ioseph.

ALLELUIA. 

Ps 79,3b

Allelúia, y.

Excita, Dómine, poténtiam tuam, et veni: ut salvos fácias nos. Allelúia.

EVANGELIUM.     

Io 1,6-8.19-28

Medius vestrum stat, quem vos non scitis.

Léctio sancti Evangélii secúndum Ioannem.

Fuit homo missus a Deo, cui nomen erat Ioannes: hic venit in testimónium, ut testimónium perhibéret de lúmine, ut omnes créderent per illum. Non erat ille lux, sed ut testimónium perhibéret de lúmine.

Et hoc est testimónium Ioannis, quando misérunt ad eum ludaéi ab Hierosólymis sacerdótes et Levítas ut interrogárent eum: “Tu quis es? ” Et conféssus est, et non negávit; et conféssus est: “Non sum ego Christus”.

Et interrogavérunt eum: “Quid ergo? Elías es tu? ”

Et dicit: “Non sum”.

“Prophéta es tu? ”

Et respóndit: “Non”.

Dixérunt ergo ei: “Quis es? Ut respónsum demus his, qui misérunt nos; quid dicis de te ipso?

Ait: “Ego vox clamántis in desérto: Dirígite viam Dómini, sicut dixit Isaías prophéta”.

Et qui missi fúerant, erant ex Pharisaéis. Et interrogavérunt eum, et dixérunt ei: “Quid ergo baptízas, si tu non es Christus, neque Elías, neque Prophéta? ”.

Respóndit eis Ioannes dicens: “Ego baptízo in aqua; médius vestrum stat, quem vos non scitis, qui post me ventúrus est, cuius ego non sum dignus ut solvam eius corrígiam calceaménti”.

Hæc in Bethánia facta sunt trans Iordanem, ubi erat Ioannes baptízans.

Credo in unum Deum.

SUPER OBLATA.

Devotiónis nostræ tibi, quaésumus, Dómine, hóstia iúgitér immolétur :

quæ et sacri péragat institúta mysterii /

et salutáre tuum in nobis mirabílitér operétur :

Per Christum.

COMMUNIO.        

Is 35,4a.c

Dícite pusillánimis: Confortámini, et nolíte timére:

ecce Deus noster véniet, et salvábit nos.

POST COMMUNIONEM.          

Orémus.

Omnípotens Deus, qui nos praécipis iter Christo Dómino præparáre :

concéde propítius, ut nullis infirmitátibus fatigémur /

qui cæléstis médici consolántem præséntiam sustinémus :

Per Dóminum.

CONCEPTIO IMMACULATA B. V. MARIAE - Die 8 decembris

GAUDENS GAUDEBO

INTROITUS.          

Is 61, l Oa-d.f

Gaudens gaudébo in Dómino, 
et exsultábit ánima mea in Deo meo: 
quia índuit me vestiméntis salútis, 
et induménto iustítiæ circúmdedit me, 
quasi sponsam ornátam monílibus suis.

Ps 29,2: Exaltábo te, Dómine, 
quóniam suscepísti me, 
nec delectásti inimícos meos super me. 
Glória Patri. Gaudens gaudébo.

Kýrie, eléison.

Glória in excélsis.

COLLECTA.           

Orémus.

Deus, qui per immaculátam Vírginis Conceptiónem
dignum Fílio tuo habitáculum præparásti : 
quaésumus, ut qui ex morte eiúsdem Fílii tui prævísa eam ab omni labe præservåsti /

nos quoque mundos eius intercessióne ad te perveníre concédas :

Per Dóminum.

LECTIO.      

Prov 8,22-35

Ab aeterno ordinata sum. Léctio libri Proverbiórum.

Dominus possédit me in inítio viárum suárum, ántequam quidquam fáceret a princípio; 
ab ætérno ordináta sum et ex antíquis, ántequam terra fíeret. 
Nondum erant abýssi, et ego iam concépta eram,

necdum fontes graves aquis, priúsquam montes demergeréntur,

ante colles ego parturiébar. Adhuc terram non fécerat et campos

et inítium glebae orbis terræ. Quando præparábat cælos, áderam,

quando certa lege et gyro vallábat abýssos, quando nubes firmábat sursum,

et prævaluérunt fontes abýssi, quando circúmdabat mari términum suum

et aquis, ne transírent fines suos, quando iecit fundaménta terræ,

cum eo eram ut ártifex: delectátio per síngulos dies

ludens coram eo omni témpore, ludens in orbe terrárum,

et deliciae meæ esse cum fíliis hóminum. Nunc ergo, fílii, audíte me:

beáti, qui custódiunt vias meas; audíte disciplínam et estóte sapiéntes,

et nolíte abícere eam. Beátus homo, qui audit me

et qui vígilat ad fores meas cotídie

et obsérvat ad postes óstii mei.

Qui me invénerit, invéniet vitam et hauriet delicias a Dómino.

RESPONSORIUM.           

a. Iudi 13,18b; 15,9b

Benedícta es tu, Virgo María, a Dómino Deo excélso præ ómnibus muliéribus super terram.

y. Tu glória Ierusalem, tu lætítia Israel, tu honorificéntia pópuli nostri.

ALLELUIA. 

Cf. Cani 4,7

Allelúia. V/.

Tota pulchra es, María, et mácula originalis non est in te. Allelúia.

EVANGELIUM.     

Lc 1,26-28

Léctío sancti Evangélii secúndum Lucam.

In illo témpore: Missus est ángelus Gábriel a Deo in civitátem Galilææ, cui nomen Názareth, ad vírginem desponsátam viro cui nomen erat Ioseph de domo David, et nomen vírginis María.

Et ingréssus ad eam dixit: “Ave, grátia plena, Dóminus tecum”.

Credo in unum Deum.

SUPER OBLATA.

Salutárem hóstiam, quam in sollemnitáte Immaculátæ Conceptionis beatae Vírginis Maríæ tibi, Dómine, offérimus, suscipe et praesta : ut sicut illam tua grátia præveniénte ab omni labe immunem profitemur / ita eius intercessióne a culpis ómnibus liberémur :

Per Christum.

COMMUNIO.        

Ps 86,3; Lc l,49a

Gloriósa dicta sunt de te, María: quia fecit tibi magna qui potens est.

POST COMMUNIONEM.          

Orémus.

Sacraménta quæ súmpsimus, Dómine Deus noster :

illíus in nobis culpae vúlnera reparent /

a qua Immaculátam beátæ Maríæ Conceptiónem singuláriter præservásti :

Per Dóminum.

DOMINICA SECUNDA ADVENTUS

POPULUS SION

INTROITUS.          

Cf. Is 30,30

- Opulus Sion, ecce Dóminus véniet ad salvándas gentes: 
et audítam fáciet Dóminus glóriam vocis suæ, in lætítia cordis vestri.

Ps 79,2a: Qui regis Israel, inténde: qui dedúcis velut ovem Ioseph.

Glória Patri, et Fílio. Pópulus Sion.

Kýríe, eléison.

Non dicitur Glória in excélsis.

COLLECTA.           

Orémus.

Omnípotens et miséricors Deus, 
in tui occúrsum Fílii festinántes nulla ópera terréni actus impediant / 
sed sapiéntiæ cæléstis erudítio nos fáciat eius ésse consórtes :

Qui tecum.

LECTIO.      

Is35,l-7a.l0

Deus ipse veniet et salvabit nos. Léctio libri Isaiae prophétas.

Laeténtur desérta et ínvia et exsúltet solitúdo et flóreat quasi lílium. 
Gérminet et exsúltet laetabúnda et laudans. Glória Líbani data est ei,

decor Carméli et Saron; ipsi vidébunt glóriam Dómini,

maiestátem Dei nostri.

Confortáte manus dissolútas et génua debília roboráte. Dícite pusillánimis: 
“Confortámini, nolíte timére, ecce Deus vester,

últio véniet, retribútio Dei; ipse véniet et salvábit vos”. Tunc aperiéntur óculi cæcórum,

et aures surdórum patébunt. Tunc sáliet sicut cervus claudus,

et exsultábit lingua mutórum; quia erúmpent in desérto aquæ

et torréntes in solitúdine. Et terra árida erit in stagnum

et sítiens in fontes aquárum.

Et redémpti a Dómino reverténtur. Et vénient in Sion cum laude,

et lætítia sempitérna super caput eórum: gáudium et lætítiam obtinébunt,

et fúgiet mæror et gémitus.

RESPONSORIUM.           

Ps 49,2-3a.5

Ex Sion spécies decóris eius: Deus maniféste véniet.

Congregáte illi Sanctos eius, qui ordinavérunt testaméntum eius super sacrifícia.

ALLELUIA. 

Ps 121,1

Allelúia.

Lætátus sum in his quæ dicta sunt mihi:

in domum Dómini íbimus. Allelúia.

EVANGELIUM.      

Mt 11,2-11

Tu es qui venturus es?

Léctio sancti Evangélii secúndum Matthaéum.

In illo témpore: Ioannes, cum audísset in vínculis ópera Christi, mittens per discípulos suos ait illi: “Tu es qui ventúrus es an álium exspectámus?”

Et respóndens Iesus ait illis: “Eúntes renuntiáte Ioanni quæ audítis et vidétis: caeci vident et claudi ámbulant, leprósi mundántur et surdi áudiunt, et mórtui resúrgunt et páuperes evangelizántur; et beátus est, qui non fúerit scandalizátus in me”.

Illis autem abeúntibus, coepit Iesus dícere ad turbas de Ioanne: “Quid exístis in desértum vidére? Harúndinem vento agitatam? Sed quid exístis vidére? Hóminem móllibus vestítum? Ecce qui móllibus vestiúntur, in dómibus regum sunt. Sed quid exístis vidére? Prophétam? Etiam, dico vobis, et plus quam prophétam. Hic est de quo scriptum est: Ecce ego mitto ángelum meum ante fáciem tuam, qui præparábit viam tuam ante te. Amen dico vobis: Non surréxit inter natos mulíerum maior Ioanne Baptísta; qui autem minor est in Regno cælórum, maior est illo”.

Credo in unum Deum.

SUPER OBLATA.

Placáre, Dómine, quaésumus, nostræ précibus humilitátis et hóstiis : et, ubi nulla súppetunt suffrágia meritorum / tuæ nobis indulgéntiæ succúrre præsídiis : Per Christum.

COMMUNIO.        

Bar 5,5a; 4,36b

Ierusalem, surge, et sta in excélso: et vide iucunditátem quæ véniet tibi a Deo tuo.

POST COMMUNIONEM.          

Orémus.

Repléti cibo spiritális alimonias, súpplices te, Dómine, deprecámur : ut, huius participatióne mystérii, dóceas nos terréna sapiénter perpéndere / et cæléstibus inhærére :

Per Dóminum.